Дали статините можат да се користат за слабеење?

Не препорачувам користење на овие лекови како средство за слабеење. Лековите од групата статини влијаат на нивото на липидите во крвта, пред сè на холестеролот, и на тој начин намалуваат ризик од атеросклероза, срцев и мозочен удар. Нивната намена, значи, не е слабеење. Советувам да ја избалансирате исхраната и да бидете физички активни, бидејќи тоа многу брзо ќе се одрази и на телесната тежина. Многу може да се направи за телото и здравјето и без лекови, бидејќи ниту еден лек не е без несакани ефекти - статините, на пример, можат негативно да влијаат на црниот дроб.