Дали смее да се дава свежо исцеден лимун/сок на дете од 2 години?

Овошните сокови се единствените напитоци за кои е човечкиот организам физиолошки прилагоден, па можат да ги консумираат лица од сите возрасти. Покрај мајчиното млеко, овошните сокови се една од најдобрите храни за доенчиња и мали деца. Физиологијата на варење на овошните сокови е таква што тие брзо минуваат низ гастроинтестиналниот систем, лесно се разлагаат и апсорбираат, па за нивно варење се троши малку енергија во дигестивниот тракт. Кога детето има две години, свежо исцедените сокови сепак треба да се разредат со вода. Научете го детето свежите сокови од овошје и зеленчук да ги пие полека, во посебни голтки со подолго задржување во устата, со што се постигнува појачано лучење на ензимот птијалин од плунковните жлезди, кој разлага јаглехидратите од соковите и овозможува подобро искористување, што е особено важно за одржување на нормална концентрација на шеќер во крвта.