Дали при дебелеењето масните клетки се размножуваат или само се зголемуваат?

Кога губите масно ткиво, масните клетки никаде не одат и не се претвораат во мускули. Тие остануваат таму каде што биле. Масните клетки кај дебели луѓе можат да бидат и до три пати поголеми од клетките кај луѓе со идеален телесен состав. Телесната маст всушност е резервен извор на енергија, а масните клетки не се ништо друго освен резервоар за нејзино складирање, кои можат да се шират и да се собираат во зависност од тоа колку се полни. Значи, кога станувате повитки, не ги губите масните клетки, туку ги празните или собирате.