Дали пилулите за слабеење се добро решение?

Општото мислење за пилулите за слабеење е поделено. Со медицински пристап, секогаш најпрво треба да се проба со ограничување на внесот на храна, да се направи план на исхрана според дневните потреби во калории, и да се зголеми физичката активност. Причините за дебелината се многубројни: најчесто се генетски, преголем внес на калории и/или лоша комбинација на намирници (прости јаглехидрати комбинирани со концентрирани масти или концентрирани протеини, а исто така и фактот дека брашното, шеќерот и мастите се поевтини намирници, додека овошјето и зеленчукот се поскапи, а имаат помалку калории и потешко заситуваат), недоволна физичка активност, како и други фактори како чувствителност на самата личност, односно нејзината психичка состојба, прекин на пушењето, алкохол, некои лекови... Честа причина за дебелината можат да бидат и одредени болести на метаболизмот, како висок ниво на кортизол, понизок ниво на тироидни хормони, полицистични јајници и слично. Целта на третманот на дебелината е спречување на понатамошно добивање на телесна тежина, намалување на телесната тежина и одржување на постигнатата тежина во подолг период. Потребно е прво да се утврди причината за дебелината, да се одреди индексот на телесна маса (БМИ) според висината и тежината, потоа да се одреди хипокалорична исхрана, односно колку калории дневно е потребно да се внесуваат во однос на претходниот внес (просечните дневни потреби можат да бидат околу 2400 kcal или 2200 kcal, додека за просечно здрава особа дневниот внес е околу 1800 kcal). Треба да се направи план на исхрана со 3 главни оброци и 2 ужинки во текот на денот, рамномерно распоредени според калориите, и да се воведе физичка активност од најмалку половина час дневно на почеток, која потоа постепено се зголемува во зависност од состојбата на организмот навикнат на физичка неактивност. Ако во период од 6 месеци нема подобрување на телесната тежина, постои можност да се примени и фармаколошка терапија, а во последно време постои и хируршка терапија. Секогаш се препорачува промена на режимот на исхрана, зголемена физичка активност и промовирање на здрав начин на живот, пред употреба на пилули за слабеење.