Дали пецивото од пекара е здрав избор за појадок?

Сите знаеме дека појадокот е многу важен оброк и треба да биде биолошки вреден. Не треба да се прескокнува и најдобро е да се јаде дома. Пекарските производи не се најдобар избор за овој оброк бидејќи имаат многу калории, а мала хранлива вредност. А што да јадеме за појадок? Биолошки вреден појадок треба да содржи производ од житарки, интегрален леб, млеко (јогурт или кисело млеко), свеж сир и нешто зеленчук. За појадок можете да јадете ронки од житарки со млеко или ферментирани млечни производи, сендвич, јајца и слично. Повремено можете да си дозволите и таканаречен сладок појадок - путер и мед со напиток. Во секој случај, најважно е појадокот да не се прескокнува.