Дали Л-карнитинот е штетен?

Л-карнитин влијае на процесот на оксидација на масните киселини и добивање на енергија од нив. Тоа е широко застапена супстанца која се наоѓа во млечните и месните производи, особено во мускулното ткиво. Организмот најчесто ја произведува во доволни количини, а за нејзиното создавање се потребни аминокиселините лизин и метионин, витамин Ц, витамин Б6, ниацин и железо. Ако недостасува некој од овие состојки, нивото на Л-карнитин може да биде намалено. Кога нема доволно Л-карнитин, се јавува мускулна слабост и општо чувство на слабост. Ако се хранете правилно, не е потребно да земате додатоци во исхраната. Препорачливо е да ја регулирате исхраната – да ги намалите намирниците со висок процент маснотии и шеќер, како и индустриски преработените производи, да внесувате повеќе намирници со биоискористливи протеини и намирници богати со диетни влакна, да имате редовни оброци и да внесувате доволно течности.