Дали кокосовиот шеќер може да замени бел шеќер и колкава е дозволената дневна количина?

Намирниците богати со јаглехидрати се основен извор на енергија за сите функции на телото. Организмот ги разградува јаглехидратите во гориво за клетките и мускулите, затоа е важно да се внесуваат избалансирани количини секојдневно. Јаглехидратите се делат на прости и сложени, а препорачано е дневно да се внесат 55-65% од вкупната енергија преку јаглехидрати, од кои околу 5-10% преку прости јаглехидрати (шеќери). Шеќерите природно се наоѓаат во овошјето, зеленчукот, млекото и медот. Освен слаткост, тие обезбедуваат вкус, текстура и боја и го продолжуваат рокот на траење на храната и пијалаците. Шеќерот е присутен во секојдневната исхрана и негово целосно исфрлање не е реално ниту препорачливо. Кокосовиот шеќер има најнизок гликемиски индекс (35) меѓу шеќерите, што значи дека не предизвикува нагол пораст на шеќерот во крвта. Препорака е шеќерите да се внесуваат првенствено преку овошје, а конзумните шеќери да се користат многу рестриктивно. Доколку сакате да уживате во слатки вкусови, може да се користи нискокалоричен природен засладувач од растението стевија, кој има 0 калории.