Дали киселата зелка е здрава?

Киселењето на зеленчук е еден од најстарите начини на конзервирање и има долга традиција. Во текот на киселењето доаѓа до промени во вкусот и текстурата на зеленчукот, поради развојот на бактерии на млечно-киселинско вриење. Овие бактерии ги менуваат односите на одредени состојки во зеленчукот - се намалува количината на скроб, шеќери и витамин Ц, а се зголемува количината на млечна киселина. Иако вака конзервираниот зеленчук содржи помалку витамини, тој претставува важен извор на витамини во зимскиот период, кога свежиот зеленчук не е достапен. Киселата зелка во зимските денови е важен извор на витамин Ц, кој е силен антиоксиданс и помага во елиминацијата на слободните радикали од организмот. Покрај витаминот Ц, содржи и лактобацили кои го помагаат варењето на храната и подоброто искористување на нутриентите, а имаат и заштитна улога за цревата. Освен зелка, на овој начин се киселат и краставици, моркови, карфиол, пиперки, зелен домат, кромид и лук. Лошата страна на киселениот зеленчук е високата содржина на натриум, бидејќи при подготовката се додаваат големи количини сол и други адитиви кои се извор на натриум. Поради тоа, не се препорачува за луѓе со срцеви проблеми, хипертензија, бубрежни болести, како и за оние кои имаат отоци. За да се смета за здрава намирница, зеленчукот треба да се киселе на природен начин, без конзерванси и адитиви, со што помалку сол. По вака подготвеното киселење, особено киселата зелка, препорачливо е да се консумира во поголеми количини доколку нема контраиндикации за тоа.