Дали киселата вода е здрава и дали дебели?

Минералните води не дебелеат бидејќи немаат калориска вредност. Но, треба да се внимава со газирана вода со вкусови – некои се збогатени со природни овошни сокови, но повеќето содржат шеќери и вештачки засладувачи, а со тоа и непотребни калории. Симболите на етикетите на флашираната вода (Na, Ca, K, Mg, F) укажуваат на содржината на минерали, а во зависност од концентрацијата, природните минерални води се делат на бикарбонатни, сулфатни, хлоридни, калциумови и магнезиумови. Затоа природните минерални води можат да бидат дополнителен извор на минерали во секојдневната исхрана, во диететски терапии и во физиолошки состојби кога потребите за минерали се зголемени или кога тие се губат во поголеми количини. Ако на декларацијата пишува „газирана минерална вода“, тоа значи дека е додаден CO2 кој не потекнува од истиот извор како водата. Стручњаците потсетуваат дека таканаречените кисели води не треба да се консумираат во големи количини, како ни високоминерализирани води, бидејќи негативно влијаат врз работата на бубрезите. Газираните минерални води, особено оние со висока содржина на јаглерод-диоксид, не се препорачуваат за секојдневна употреба. Земајќи предвид дека во летните месеци се потите повеќе и дека ви се потребни минерали поради дехидратација, повремено можете да користите и газирана минерална вода ако ве освежува, но ограничете се на една чаша газирана вода дневно. Повеќето домашни флаширани води имаат висока содржина на натриум, што не е добро бидејќи прекумерниот внес на натриум е значаен фактор на ризик за развој на висок крвен притисок. Затоа е препорачливо да се користат минерални води со што помала содржина на натриум – не повеќе од 150 mg/L. Калиумот е потребен на организмот, но неговиот вишок влијае на функцијата на бубрезите, па за секојдневна употреба не треба да се користи вода со повеќе од 12 mg/L калиум. Магнезиумот од водата се апсорбира околу 30% подобро и побрзо отколку магнезиумот од храната. Пожелно е нивото на магнезиум во водата за пиење да биде најмалку 30 mg/L, бидејќи магнезиумот е важен елемент за правилно функционирање на кардиоваскуларниот и нервниот систем. Нормалните вредности на pH на водата се движат од 6 до 8, а ако е додаден јаглерод-диоксид, нивото може да падне до 4,5. Газираните минерални води, особено оние со висока содржина на јаглерод-диоксид, ја намалуваат pH вредноста, односно ја зголемуваат киселоста на ткивата и крвта.