Дали кисела вода е штетна?

Газираните, кисели минерални води, особено оние со висока содржина на јаглен-диоксид, не се препорачуваат за секојдневна употреба, а посебно не во големи количини. Ако на етикетата стои „газирана минерална вода“, тоа значи дека е додаден јаглен-диоксид кој не потекнува од истиот извор како водата. Стручните лица потсетуваат дека таквите кисели води не треба да се консумираат во големи количини, како и високо-минерализираните води, бидејќи негативно влијаат на функцијата на бубрезите. Нормалните вредности на pH на водата се движат од 6 до 8, а кога е додаден јаглен-диоксид, тие вредности можат да паднат дури до 4,5. Газираните минерални води, особено оние со висока содржина на јаглен-диоксид, ја намалуваат pH вредноста, односно ја зголемуваат киселоста на ткивата и крвта. Повеќето домашни флаширани води имаат висока содржина на натриум, што не е добро бидејќи прекумерниот внес на натриум е значаен фактор на ризик за развој на висок крвен притисок. Затоа употребата на негазирани или благо газирани минерални води со што помала содржина на натриум е најпрепорачлива – содржината на натриум не би требало да надминува 150 mg/L. Калиумот е потребен за организмот, но неговиот вишок влијае на функцијата на бубрезите, па за секојдневна употреба не треба да се користи вода која содржи повеќе од 12 mg/L калиум. Магнезиумот од водата се апсорбира околу 30% подобро и побрзо отколку магнезиумот од храната. Пожелно е нивото на магнезиум во водата за пиење да биде најмалку 30 mg/L. Магнезиумот е важен елемент за правилно функционирање на кардиоваскуларниот и нервниот систем. Затоа природните, негазирани минерални води се препорачуваат како дополнителен извор на минерали во секојдневната исхрана, во дијететските терапии, како и во физиолошки состојби кога потребите за минерали се зголемени или кога се губат во поголеми количини.