Дали е здраво магарешкото млеко?

Магарешкото млеко е ексклузивен и скап производ, а неговите позитивни својства се познати уште од антички времиња. Ова млеко, освен во исхраната, се користи и за изработка на козметички производи. Позната е приказната дека Клеопатра ја чувала својата убавина купувајќи се во млеко од магарица. По своите хемиски карактеристики е најслично на човечкото млеко и има извонредно висока нутритивна вредност и позитивно влијание врз човечкото здравје. Ова млеко има низок удел на млечна маст, голема количина витамин Ц, доволно витамини А, Б, Д и Е. Содржи имуноглобулини кои имаат важна улога во јакнењето на имунолошкиот систем. Магарешкото млеко е трипати побогато со калциум и фосфор во однос на човечкото млеко, а содржи и повеќе железо. Поради високото ниво на ензими се смета за природен антибиотик. Успешно помага при бактериски инфекции, последици од труење и кожни заболувања. Истражувањата покажале дека децата кои имаат алергија на кравјо млеко можат без проблем да консумираат магарешко млеко. Забележан е и позитивен ефект во превенцијата на висок холестерол и во третманот на кардиоваскуларни заболувања.