Дали е здраво да се прескокне вечера?

Еден од основните принципи на правилната исхрана е рамномерност на оброците. Тоа значи дека во текот на денот треба да се придржуваме до соодветно време за земање на оброци, да не земаме храна неконтролирано и без размислување. Оброците не смеат да се прескокнуваат и не смее да се гладува. Обично имаме три главни оброка и две до три ужинки. Што се однесува до вечерата, тоа е последниот оброк во денот и треба да содржи најмалку калории за да не се оптоварува желудникот пред спиење. За вечера треба да се избегнуваат тестенини, леб, полномасна храна и слатки. Најдобро е да јадете салати со посно месо (пилешко, мисирка, риба). Вечерата треба да биде најмалку два часа пред спиење и не треба да се прескокнува.