Дали е здраво да се јаде супа за вечера?

Еден од основните принципи на правилната исхрана е рамномерност на оброците. Тоа значи да во текот на денот се придржувате до одредено време за оброци, да не јадете нередовно и без размислување. Оброците не треба да се прескокнуваат и не смее да се гладува. Обично имаме три главни оброци и две до три ужинки. Што се однесува до вечерата, тоа е последен оброк во денот и треба да содржи најмалку калории, за да не се оптоварува желудникот пред спиење. За вечера треба да се избегнуваат тестенини, леб, полномасна храна и слатки. Најдобро е да јадете салати со посно месо (пилешко, мисирско, риба). Вечерата треба да биде најмалку два часа пред спиење и не треба да се прескокнува. Што се однесува до супата, таа не е идеален оброк за вечера, но повремено може да направите домашна супа или чорба со месо и зеленчук.