Дали е препорачливо да се внесуваат 4,5 литри вода дневно?

Водата е најважен макронутриент бидејќи се грижи за низа витални функции во нашиот организам. Внесот на течности во организмот е неопходен за нормално функционирање на бубрезите, срцето и кардиоваскуларниот систем. Улогата на водата во организмот е многустрана: речиси сите хемиски реакции во организмот бараат вода, таа помага во регулирањето на телесната температура и во одржувањето на pH рамнотежата. Околу 60% од телесната тежина на возрасните луѓе токму вода претставува. Малиот недостаток на вода во организмот може да предизвика умор, главоболка и намалена концентрација. Дневно во просек губиме 2,5 литри течност преку урина и фецес, потење, дишење... Во случаи на дијареа, повраќање или покачена телесна температура, организмот губи посебно големи количини вода и електролити, кои е потребно да се надоместат. Бременоста и доењето се посебни состојби кои бараат дополнителни потреби за течности. Исто така, секогаш треба да се има на ум дека дехидратацијата може да доведе до сериозни компликации. Секојдневно треба да внесуваме онолку течност колку што сме потрошиле, притоа треба да знаеме дека вода внесуваме и преку храната. Во согласност со тоа, се смета дека нашиот дневен внес треба да биде 1,5-2 литри течност. Секако, кај лицата кои се изложени на зголемена телесна активност, како и кај бремените жени и доилките, потребите за течности се зголемени. Треба да се разликува флаширана вода за пиење од минерална вода. Флашираната вода за пиење може да се пие како чешмовачка вода во неограничени количини, а минералната вода 1 до 2 чаши дневно. На пазарот постои голем број флаширани и минерални води. Здравствено безбедната чешмовачка и флаширана вода за пиење можат да се пијат неограничено.