Дали дневниот внес на калории е исти кај активни и неактивни луѓе?

Енергетските потреби на организмот, како и енергетската вредност на храната, се изразуваат во килокалории (Kcal). Препораките за дневен енергетски внес зависат од полот, видот на работа, возраста и физичката состојба. Просечно, за мажи со слаба физичка активност изнесуваат околу 2000 Kcal, до 3500 Kcal за физички активни мажи. За жени се движат од 1800 Kcal (слабо физички активни) до 2800 Kcal (физички активни). Клучот на решението е во паметен внес на храна и задолжителна физичка активност, што допринесува за подобрување на метаболизмот, а со тоа организмот користи свои природни механизми за регулирање на телесната тежина. Мерење еднаш неделно е најлесен начин да се утврди дали сте во енергетски баланс. Ако внесувате повеќе калории отколку што трошите, тоа ќе се одрази со зголемување на телесната тежина, додека создавањето на енергетски дефицит ја намалува истата. Бројот на калории потребен за енергетски баланс е исклучително индивидуален и се менува од ден на ден, во зависност од нивото на активност.