Дали децата смеат да се придржуваат до диета?

Дебелината настанува кога внесот на енергија го надминува нејзиното трошење во подолг временски период. Дебелината кај децата најчесто е последица на семејни и лични навики, кои вклучуваат количина, вид и број на оброци, начин на подготовка на храната, видот на намирниците што се користат, како и физичката активност. Најважно е денот да се започне со појадок, бидејќи тој обезбедува енергија за почеток на денот, го подобрува паметењето и разбирањето, а придонесува и за подобро расположение во училиште. За да се задоволат секојдневните потреби на организмот, важна е комбинирана и урамнотежена исхрана. Препорачливо е да се зголеми внесот на зеленчук и диететски влакна, а да се намали внесот на храна популарна кај адолесцентите, како чипс, чоколадо, газирани сокови, хамбургери и слично. Внесот на овошје треба да биде ограничен, бидејќи и тоа содржи шеќери. Ако калорискиот внес се усогласи со енергетските потреби и се воведе секојдневна физичка активност, позитивните резултати се загарантирани. Доколку не се забележи корекција на телесната тежина, најдобро е да се обратите кон нутриционист.