Дали чаша јогурт е добар избор за вечера?

Потребно е во текот на денот да се земаат повеќе оброци со помали количини храна. Освен рамномерност на оброците (обично тоа се три главни – појадок, ручек и вечера – и две до три ужини), важно е да внесуваме намирници од сите групи: житарки, овошје, зеленчук, месо, млеко, риба, јајца и масти/масла. Овие намирници треба да се комбинираат во различни јадења така што исхраната да биде оптимална, ниту преобилна ниту недоволна. Јадете производи од цело зрно, внесувајте многу зеленчук, консумирајте овошје, храна со низок процент на масти и не заборавајте на физичка активност. Избалансираната, здрава исхрана треба да се прилагоди на нашите потреби, односно на секојдневните активности и ангажирања. Не држете дијета, туку хранете се здраво и направете промена во вашиот живот – усвојте здрави навики и следете како вашето тело реагира. Секој од нас е специфичен и има свои потреби и активности, па според тоа треба да внесува толку храна колку што му е потребно за оптимално функционирање. Јогуртот е млечен производ со пријатен вкус, добиен со дејство на млечно-кисели бактерии. Има голема освежувачка моќ, содржи протеини, минерали и витамини, а е погоден и за луѓе кои имаат алергија на лактоза. Поради своите хранливи и лековити својства, станал секојдневна храна. Денес на пазарот освен обичен јогурт постои и овошен, пробиотски и нискокалоричен јогурт. Може секојдневно да се вклопи во исхраната без стравот дека ќе доведе до дебелеење. Добро е вечерата да биде лесна. По вечерата се троши помалку енергија отколку во текот на денот, па ако се внесат преголеми количини калории, тие ќе се депонираат како масно ткиво. За вечера е добро да се јадат посни видови месо (пилешко, мисирка, риба), подготвени со помалку масти, или посни видови сирење. Уз тоа, најдобро е да се јаде сезонска салата од свеж зеленчук со маслиново масло и свежо исцеден лимон.