При т.н. клик-шум синдром активноста пролабираниот митрален залисток создава систолен шум придружен со еден или повеке кликови во средина на систолата. Пролапсот на митралната валвула (ПМВ) е честа болест што се јавува кај околу 5% од возрасната популација, најчесто кај младите жени.
ПМВ е најчесто асимптоматски, а во последниве години е дијагностициран почесто од што навистина постои поради тоа што во одредени ехокардиографски правци дел од инаку нормалниот митрален залисток изгледа како да е пролабиран. За прецизна дијагноза на болеста постојат јасни дијагностички критериуми, но, сепак, многу луте ја носат дијагнозата на овој синдром, а немаат никакво нарушување на митралниот залисток.
Потенцијални компликации при ПМВ се: ендокардит, акутна митрална регургитација, транзиторна церебрална исхемија поради емболизација, преткоморни и коморни аритмии и ненадејна смрт. Овие пациенти треба да примаат антибиотска профилакса за субакутниот бактериски ендокардит.