Дали ќе ми биде некогаш како порано, пред сето ова?

Ќе ви биде добро, се разбира, со труд и работа на себеси, што веќе сте го започнале преку студирањето и обраќањето за помош — а тоа е знак на сила и мудрост, а не слабост. Од моето искуство, најголем ефект се постигнува кога покрај фармакотерапијата се вклучи и психотерапија. Психотерапијата, преку серија разговори со психотерапевт, помага подобро да ги разберете околностите во кои живеете, но и себеси. Трае подолго, но дава трајни и добри резултати. Суштината е полека да разберете што ве довело во таква состојба, слој по слој. Многу конфликти и долготрајна анксиозност можат да предизвикаат страв од лудило дури и кај луѓе кои имаат само неуротски тегоби. Добро е што сето тоа може успешно да се излекува со психотерапија. Се надевам дека ви дадов сила да продолжите со лекувањето. Еден ден и вие ќе можете да помагате на луѓе на сличен начин, и успешно. Кризите секогаш се и шанса за раст и развој.