Кое е решението за несоница?

Несоницата честопати е симптом на внатрешна вознемиреност и депресивност. Успешно лекување подразбира комбинација од фармакотерапија и психотерапија. Во почетокот вообичаено се препорачува антидепресив од понова генерација наутро, анксиолитик во мала доза преку денот и навечер, а во првите денови и хипнотик за спиење. По околу две недели редовно земање на терапијата очекувано е подобрување, по што дозата на анксиолитикот постепено се намалува и потоа се исклучува, а хипнотикот исто така се исклучува. Антидепресивот, пак, треба да се зема најмалку два месеца, а пожелно и подолго, за ефектот на лекувањето да биде добар. Откако состојбата ќе се подобри, психотерапијата преку серија разговори помага да се разбере причината за вознемиреноста, да се научат позрели начини на размислување и подобро препознавање и обработка на емоциите, што придонесува кон целосно излекување. Конкретна терапија и дози секогаш треба да се одредат индивидуално, во ординација кај лекар.