Што може да предизвика главоболка и вртоглавица?

Спондилозата на вратниот дел на кичмата е дегенеративно заболување кај кое доаѓа до промени на меѓупршленските ‘рскавици и склеротични промени на коските. ‘Рскавицата постепено се стеснува, фрагментира и пука на помали делови, кои притискаат меѓупршленските врски. По рабовите на пршлените се создаваат бодликави и коскени израстоци кои притискаат нервните корени што излегуваат од кичмената мозочина, предизвикувајќи болка која може да се шири кон главата. Истовремено, овие промени можат да притискаат крвните садови во вратот, како вертебралните артерии, што доведува до вртоглавица. Дегенерацијата на лумбалниот дискус, позната како дискартроза, е една од почетните фази на комплексните промени во долниот (слабински) дел на кичмениот столб и ретко се јавува како изолирана појава. Основен симптом на дискартрозата е болка во грбот. Дискусите се плочки помеѓу соседните пршленски тела кои имаат улога на амортизери – ја упиваат и намалуваат траумата на која е изложен кичмениот столб при секојдневните активности, штитејќи ги коскените структури. Со стареењето, дискусите постепено дегенерираат, односно дехидрираат (губат вода), им се намалува еластичноста и тежината, а со тоа и заштитната улога. Дископатијата е знак дека дискот е оштетен. Препорака е да се направи ултразвук на вратот со посебен осврт на вертебралните артерии, да се разгледа можноста за употреба на миорелаксанси, да се спроведува активна масажа на вратот и во договор со физијатар да се започне со соодветни вежби за враќање на вратот во нормална положба, што придонесува за нормално функционирање.