Болки во коленото – кои испитувања се препорачуваат?

За да се избегне зрачење на коленото, препорачливо е да се направи ултразвучен преглед на двете колена. На тој начин се гледа зглобната површина, синовијалната мембрана (дали е воспалена или нормална), како и менискусите и лигаментите. Ако наодот е уреден, тоа значи дека нема воспаление или проблем со зглобната површина. Советувам и крвна слика и биохемиски анализи – алкална фосфатаза (маркер за раст на коските) и Ц-реактивен протеин (маркер за воспаление), а останатите анализи по договор со надлежниот лекар – со цел да се исклучи хронична инфекција, која може да биде предизвикана и од најблага инфекција на грлото. При ултразвучниот преглед на коленото може да се процени и функцијата на крвните садови, како и присуство на евентуална Бејкерова циста во потколеничната јама. Во секој случај, ако не сте правеле ултразвучен преглед на коленото, препорачливо е да се направи, а потоа да се консултирате со лекар специјалист по физикална медицина или ревматолог.