Каква треба да биде исхраната кај лице со тумор?

Кај лица на хемотерапија честа е појавата на мачнина и повраќање, за што понекогаш е потребен и лек. Исхраната пред сè треба да овозможи добра хидратација, односно доволен внес на течности преку супи, чорби, чаеви, сокови и вода. Исхраната треба да се заснова на принципите на здрава медитеранска исхрана, што значи доволно овошје, зеленчук и жита, риба и посно месо во помали количини, варено, динстано или печено — не пржено, не панирано, а да се избегнуваат и конзервирани и сувомесни производи. Треба да се избегнува брза храна, а да се исклучат алкохолот и пушењето.