Какви се препораки за здрава и балансирана исхрана?

Мое мислење е дека исхраната треба да биде разновидна, без преоптоварување со прекумерна количина белковини, со користење на квалитетни намирници без конзерванси, адитиви и вештачки додатоци. Медитеранскиот тип на исхрана е пример за добро балансирани намирници – можете да пронајдете пирамида на медитеранска, односно здрава исхрана, на интернет. Постното месо, живинско месо и риба, како и млеко и млечни производи, се извори на белковини и не треба да се исфрлаат од исхраната, само треба да се прилагоди количината, за да не се преоптоваруваат бубрезите со прекумерно внесување. Житарки, зеленчук, овошје, млеко и млечни производи, растителни масла, доволна количина течности, физичка активност и опуштање се општи препораки за здрав живот.