Дали лек или исхрана помагаат при низок број леукоцити за време на хемотерапија?

Ниските леукоцити се чест проблем по хемотерапија. Помагаат одмор и исхрана богата со витамини и минерали од природно потекло - сок од аронија, доволно течности, свежо цедени овошни сокови од сезонско овошје, квалитетни белковини од говедско, телешко и пилешко месо или риба (во зависност од тоа што пациентот може да јаде), јогурт, кефир и слично. Корисно е и престојување во мирна и чиста средина, со што помалку контакт со луѓе кои можат да бидат носители на вируси и бактерии. Најдобро е однапред да се одредат неколку негуватели и со нив да се одржува контакт додека крвната слика и имунитетот не се опорават. Постојат и разни мултивитамински препарати (на пример комбинации со витамин Ц, витамин Д, Б-комплекс), но изборот е најдобро да се направи по препорака на онкологот кој го лекува пациентот и ја познава терапијата што ја прима. Стресот исто така треба максимално да се намали.