Зошто менструацијата ми задоцнува осум дена по заштитен полов однос?

Постојат разни причини за задоцнета менструација, најчесто стрес, хормонални осцилации, промена на телесната тежина, промена на клима или присуство на фоликуларна циста на јајниците. Со оглед на тоа што претходно сте имале нормална менструација, и доколку немате однос по неа, шансата да сте бремена е мала. Постојат одредени крварења кои се јавуваат во раната бременост и често погрешно се тумачат како менструација, но по обем и количина на крв се значително помали. Симптомите на бременост се неспецифични, но до сега веројатно веќе би имале некои од нив - засилена сонливост, отечени и зголемени гради, како и промени во расположението. Секако е потребно да се јавите на гинеколог за гинеколошки и ултразвучен преглед (со цел да се процени дебелината на ендометриумот и изгледот на матерничната празнина) за да се исклучи секоја можна причина за задоцнетата менструација.