Какво е лекувањето на синдром на полицистични јајници кај млада жена?

Кај девојки со наод на ултразвук кој укажува на полицистичен изглед на јајниците, за да се постави дијагноза синдром на полицистични јајници потребно е да се исполнат неколку критериуми. Еден од нив е ултразвучен наод каде еден или двата јајника имаат полицистичен изглед. Покрај тоа, потребно е да се исполни уште најмалку еден критериум, како што се: менструален циклус подолг од 35 дена, присуство на хормонски дисбаланс, а треба да се испита и дали постои инсулинска резистенција. Синдромот на полицистични јајници има и наследна основа. Ова состојба може добро да се регулира со соодветна терапија, така што особата да води нормален живот и да оствари мајчинство. Совет е да се направат сите потребни анализи неопходни за поставување на оваа дијагноза.