Зошто либидото е намалено по породувањето?

По бременоста е нормално да дојде до мала неурамнотеженост меѓу хормоните, особено доколку сè уште доите вашата бебе, бидејќи тогаш се уште активни хормоните пролактин и окситоцин, кои со своето дејство генерално влијаат на тоа да не дојде до менструален циклус. Постои можност и вашите циклуси повеќе да не бидат исти како пред бременоста – можно е циклусот да се скрати или да се продолжи, што исто така е нормална појава. Во текот на менструалниот циклус активни се хормоните естроген и прогестерон, при што естрогенот е тој што влијае на тоа дали вагината е доволно влажна, а токму овие хормонални осцилации влијаат и на либидото. Бидејќи сè уште доите, не се препорачува употреба на препарати кои би влијаеле на зголемување на сексуалната желба, бидејќи такви супстанции можат да преминат во мајчиното млеко. Штом престанете со доењето и менструалните циклуси ви се вратат во нормала, може да очекувате обновување на либидото и вагиналната влажност.