Зошто градите се болни и отечени при допир на почетокот на менструацијата?

Без преглед не можеме да кажеме со сигурност која е причината за болката во градите која ја чувствувате. Секако, градите реагираат во текот на менструалниот циклус и може да се појави болка, чувство на тежина и слично. Препорачуваме редовно (еднаш месечно) да правите самопреглед на градите, бидејќи на тој начин најдобро ќе забележите доколку се појави некоја промена. Исто така, во рамките на редовниот гинеколошки преглед (систематски преглед) препорачливо е да се направи и ултразвук на градите. Самопрегледот и ултразвучниот преглед се доволна мерка за следење на состојбата на здравјето. Доколку забележите каква да е промена, секако е потребно да се јавите на лекар.