Што значат Clue клетки во вагинален брис и која е соодветната терапија?

Наодот на „Clue“ ќелии претставува индиректен знак за постоење состојба која се нарекува бактериска вагиноза. Тоа е состојба во која доаѓа до нарушување на вагиналната флора, при што доминираат анаеробни бактерии (кои се размножуваат без присуство на кислород), додека лактобацилите, кои претставуваат нормална флора на вагината и ја штитат вагиналната слузница од патогени, се во многу мал број или недостасуваат. Оваа состојба може да предизвика непријатности доколку трае подолго или доколку не се лекува. Не спаѓа во полово преносливи болести. Се лекува, по потреба, со антибиотици и вагинални пробиотици, па затоа е најдобро да посетите вашиот гинеколог, кој ќе ви препише соодветна терапија.