Што се случува со Бартолиновата жлезда по воспаление?

Воспаленијата на Бартолиновата жлезда кои се третираат конзервативно или само со инцизија можат како последица да остават цисти на местото каде постоел гнојниот процес. Тие се нарекуваат ретенциони цисти и се потполно безболни. Можат да достигнат големина на орев и не предизвикуваат никаква пречка, освен што естетски нарушуваат симетријата на надворешните гениталии. За жал, не постои друг начин освен оперативен за решавање на оваа состојба. Сепак, доколку не предизвикува никаков проблем, доволно е редовно да се контролирате кај својот гинеколог.