Што претставува скрининг за рано откривање на рак на грлото на матката?

Скрининг прегледите значат превентивно прегледување на луѓе кои немаат тегоби, со цел да се откријат болести во рана фаза кај помал процент од сите прегледани лица. Скринингот за карцином на грлото на матката подразбира прво земање брис и Papa тест, а потоа, доколку е потребно, се прави и колпоскопија, односно попрецизен преглед на грлото на матката под лупа. Скринингот во ниту еден момент не значи дека лицето е болно. Тој претставува добро организиран начин за грижа за здравјето и рано откривање на првите знаци на евентуална болест, со цел успешно лекување.