Што е Enterococcus faecalis и како се лекува?

Фекалниот ентерокок е бактерија која нормално живее во дигестивниот тракт. Доколку се најде во урогениталниот тракт, предизвикува инфекција. Лекувањето е тешко бидејќи бактеријата е доста резистентна на антибиотици, а инфекцијата најчесто се јавува кај лица со слабен имунитет. Прво треба да се работи на подигање на имунитетот - преку правилна исхрана, анти-стресна програма, доволен внес на течности, физичка активност и фитопрепарати. Треба да се избегнуваат незаштитени анални контакти. Антибиотиците треба да се земаат според антибиограм, во соодветна концентрација и доволно долго. Задолжително е редовно користење на пробиотици.