Од кој ден се смета почетокот на циклусот кога прво се јавува кафеава исцедок?

Менструалниот циклус претставува периодот помеѓу две менструации. Првиот ден на крвавење (менструацијата) се смета за почеток на менструалниот циклус, а крајот на циклусот е денот пред почетокот на следното менструално крвавење. Идеален циклус е оној со траење од 28 дена, но должината на менструалниот циклус е многу индивидуална. Циклус кој трае од 21 до 45 дена се смета за нормален, па какви било промени во тие граници не треба да се сметаат за загрижувачки. Во одредени фази од циклусот, телото е под влијание на различни хормони. Во втората фаза, која му претходи на менструалното крвавење, најактивен е хормонот прогестерон. Нормално е да се јави кафеаво крвавење непосредно пред вистинската менструација, додека доколку тоа се случува една недела пред циклусот, тоа може да значи дека нивото на прогестерон не е доволно (што може да се јави при употреба на контрацептивни пилули, преголем физички напор, хормонален поремећај предизвикан од тироидната жлезда или покачен шеќер), но тоа не значи дека нема да дојде до менструација. Потребно е да се обрне внимание доколку менструалните циклуси станат покуси од 20 дена или, пак, ако паузата помеѓу две менструации е многу голема, и таквите информации да се споделат со гинеколог.