Наод CIN1 по биопсија на грлото на матката – кога да се закаже контрола?

Наодот CIN1 претставува најблаг степен на дисплазични промени на грлото на матката. По направената интервенција потребни се редовни контроли со Papa тест и колпоскопија. Контрола 15 дена по интервенцијата е малку прерана – првата контрола со колпоскопија и Papa тест треба да се направи 3 месеци по интервенцијата. Секако, доколку се јават некакви симптоми, треба да се обратите кај гинеколог и порано од закажаниот термин. Препорачливо е да се земаат препарати за јакнење на имунитетот, а повремено и вагинални препарати со лактобацили.