Менструацијата се јавува само еднаш годишно - која е причината?

Причината за изостанок на менструацијата може да биде разновидна, и најчесто се испитува функцијата на хормоните кај жената, не само на половите хормони туку и пошироко. За поставување дијагноза на аменореја потребен е гинеколошки преглед. Гинекологот го анализира изгледот на вагиналните зидови и цервикалната слуз, за да утврди дали јајниците создаваат доволно естроген. Друг начин за утврдување на естрогеното дејство е примена на прогестерон во текот на неколку дена. Ако по прекинот на овој препарат нема крварење од матката, тоа значи дека кај жената не постои доволно естроген. Во тој случај јајниците не создаваат потребните количини на естроген, поради што нема овулација. Ако по примената на прогестерон настапи крварење, тогаш естрогенот не е проблем, па лекарот треба да испита евентуално постоење на полицистични јајници. Во секој случај, се препорачува консултација и преглед кај гинеколог за да се утврди причината за изостанокот на менструацијата.