Кои се видовите контрацептивни пилули и како се користат?

Контрацептивните пилули се користат од повеќе причини. Познато е дека се користат во терапија на полицистични јајници, кај проблеми со акни, за третман на прекумерна обраснатост со влакна, а секако и за спречување на бременост. Постојат неколку различни типови контрацептивни пилули според својот состав, кои се разликуват во зависност од количината на хормони. Најчестите типови се: - прогестеронски контрацептивни пилули кои содржат само хормон прогестерон и се погодни за жени кои не можат да земаат естроген, кои доеат, постари се од 35 години и пушат. - контрацептивни пилули кои содржат и естроген и прогестерон и кои спаѓаат во групата најчесто користени контрацептивни пилули. Најпознати се тие што се земаат 21 ден (т.н. монофазни), при што во следните 7 дена се јавува ново менструално крвавење, и мултифазните, кои содржат различни нивоа на хормони што се зголемуваат со времето и се развиени со цел да се намалат несаканите ефекти од контрацептивните пилули, но кај нив воопшто не доаѓа до менструално крвавење. Изборот на контрацептивни пилули зависи од вашите потреби и од вашата возраст. Контрацептивните пилули можат да се земаат подолг временски период. Најдобро е да се консултирате со вашиот гинеколог во врска со изборот на контрацептивни пилули, а исто така и во врска со времетраењето на нивното користење.