Кои анализи се потребни при изостанок на бременост две години кај Хашимото?

Испитувањето на причините за изостанок на бременост е сложено. Најчесто се започнува со ултразвучен преглед, а партнерот треба да направи спермограм. Потоа следат анализи на репродуктивните хормони (се работат од вториот до четвртиот ден од менструалното крвавење), како и хормони на штитната жлезда (иако се зема терапија), АМХ и инхибин Б. Освен тоа, и жената и партнерот треба да направат микробиолошки бришеви за хламидија, микоплазма и уреаплазма — жената цервикален и вагинален брис, а партнерот спермокултура. Се препорачува преглед кај лекар, при што партнерот задолжително треба да направи спермограм за почеток. По прегледот, лекарот може да предложи и дополнителни анализи со кои ќе се утврди причината за изостанокот на бременоста.