Какви можат да бидат причините за нередовен менструален циклус?

Ако е исклучена бременост, тогаш најчесто се работи за хормонален поремет, а прашање е кој е точниот причинител. Прво треба да се направи детален гинеколошки преглед со ултразвук на јајниците - тоа ќе даде појасна слика за можната причина (цисти на јајниците, полицистични јајници често предизвикуваат нередовни циклуси). Ако е потребно, може да следи упат за лабораториско одредување на полови хормони и соодветна терапија. Понекогаш задоцнувањето на менструацијата е последица на други хормонални промени во организмот (стрес, поремет во лучењето на хормоните на штитната жлезда или надбубрежната жлезда и слично). Сето тоа ќе стане појасно по извршен гинеколошки преглед, кој ќе покаже во која насока треба да се продолжи со испитувањата.