Каков е ризикот за бебето доколку некој близок има херпес на усна, во 33-та недела од бременоста?

Имунитетот во бременоста опаѓа во два периода - првиот помеѓу 6-та и 8-та недела, а вториот помеѓу 20-та и 28-та недела. Голем број бремени жени се заразуваат со херпес вирус во текот на бременоста, но доколку веќе сте ја прележале инфекцијата порано, во телото се создадени антитела од класата IgG, кои не минуваат низ плацентата и не му штетат на плодот. Кај реактивација на стара инфекција би се појавиле и IgM антитела. Ако досега не сте имале инфекција со херпес вирус, а веќе поминале првите три месеца од бременоста, односно периодот на ембриогенеза, тогаш ефектот врз плодот е минимален. Советот е да се внесуваат доволно витамини А, Е, Ц и Б2, и да се избегнува стрес. Доколку се појави херпес на усната, не треба да се плашите - разговарајте со вашиот гинеколог и во договор со него проценете дали е потребно локално третирање.