Ектопија на грлото на матката - да се следи или да се третира со замрзнување?

Во суштина, и двајцата лекари се во право. Мојот став е дека промените („ранички“) на грлото на матката треба да се следат сè додека ПАПА тестот е уреден. Не сум приврзаник на криотерапијата бидејќи сметам дека е малку надживеана метода. Доколку постои потреба од интервенција, можеби е подобро да се направи ласер вапоризација или loop дијатермија со радиобранови - ова второто би било мој избор. Околу 90% од жените имаат некаков вид промена на грлото на матката, но само кај околу 10% од таквите промени постои можност да претставуваат навестување на патолошки наод.