Дали е рано да се направи брз тест за бременост (baby rapid test)?

Треба да се земе предвид просечната должина на менструалниот циклус, должината на крварењето, дали циклусите се редовни и колку дена поминале од односот. Ако се земе просечен циклус од 28 дена, се смета дека овулацијата е на средината на циклусот, односно на 14-тиот ден. Брзиот тест за бременост (baby rapid test) го покажува присуството на хормонот бета hCG во мочката кога неговата вредност во крвта е над 25 IU/L, а неговата осетливост, односно можноста да покаже резултат, се совпаѓа со денот кога се очекува следната менструација. Многу поосетлив и попрецизен начин за утврдување на бременост е преку крв, бидејќи неговата вредност во крвта расте скоро двојно секој ден од почетокот на бременоста. Веќе по 7 до 10 дена од односот може да се детектира негов пораст во крвта, бидејќи референтните вредности кај жени кои не се во бременост се под 5 IU/L. Затоа тестот преку крв може да покаже бременост пред очекуваната менструација.