Дали е можна бременост?

Не постојат специфични симптоми кои недвосмислено укажуваат на бременост, бидејќи многу од нив се слични со симптомите на предменструален синдром. Осетливост и болка во градите, болка во стомакот под папокот или во пределот на јајчниците (наизменично или на едната страна), осетливост на мириси и голема поспаност се симптоми кои се засилуваат поради дејството на хормона прогестерон во бременоста. Мачнина и повраќање обично се јавуваат подоцна, почнувајќи од втор месец на бременоста и трајат до трет или четврти месец, но секоја бременост е индивидуална. Бета хЦГ хормонот во крвта може да се открие неколку дена пред очекуваната менструација, а неговите вредности се дуплираат секојдневно во почетокот на бременоста. Доколку постои сомнение за бременост, анализата на бета хЦГ од крв е високо чувствителна и ќе покаже бременост доколку постои. Постојат и други причини за задоцнета менструација, како инфекции, хормонална неурамнотеженост, стрес, нередовна исхрана, промена на клима, фоликуларни цисти и слично. Доколку тестовите за бременост се негативни, може да се направи анализа на бета хЦГ од крв за целосно да се исклучи бременост. Во секој случај, препорачливо е да се посети гинеколог за детален гинеколошки преглед со ултразвук, со цел да се исклучат други гинеколошки причини за задоцнета менструација.