Дали е безбедна нова бременост по прележана еклампсија?

Еклампсијата е една од потешките можни компликации во бременоста. Доколку во првата бременост се јавила во полесна форма, а во втората во потешка форма, ризикот за трета бременост е многу голем – состојбата може да се јави и во рана фаза на бременоста и да ги загрози и мајката и бебето. Со оглед на тоа што веќе имате две деца, подобро е да не се прифаќа овој речиси сигурен ризик со нова бременост.