Дали Bactrim е штетен за плодот во раната бременост?

Bactrim не треба да се користи во бременост, освен ако е навистина неопходен, бидејќи и триметопримот и сулфаметоксазолот минуваат преку плацентарната бариера и можат да влијаат на метаболизмот на фолната киселина. Во испитувања на животни, многу високи дози на котримоксазол предизвикале малформации типични за антагонизам на фолна киселина. Според студии кај бремени жени, литературни податоци и пријави на малформации, изгледа дека котримоксазолот не претставува значаен ризик за тератогеност кај луѓе. Се препорачува бремени жени кои се лекуваат со Bactrim да земаат и фолна киселина секојдневно. Во последниот период на бременоста, Bactrim треба да се избегнува колку што е можно поради ризик од керниктерус кај новороденчето. Пред да се донесе каква да е одлука, секако треба да се консултирате со вашиот гинеколог, а по потреба и со генетско советувалиште.