Забрзан пулс, треперење на рацете и подутина на вратот под увото - што може да значи?

Поради забрзан пулс и треперење на рацете, препорака е да се направи крвна слика со леукоцитарна формула (заради подутината на вратот) и хормони на штитната жлезда, бидејќи постои можност за зголемена функција на штитната жлезда. Подутината на вратот може да претставува зголемен лимфен јазол или масно ткиво. Ако се работи за лимфен јазол, тоа може да значи дека организмот се борел со инфекција, при што лимфниот јазол се зголемил како реакција, а по одредено време може да се врати во нормална големина. Препорачливо е да се направи и ултразвучен преглед на вратот, со осврт на штитната жлезда и мекото ткиво на вратот. Во зависност од резултатите од анализите и дополнителните испитувања, потребно е да се консултирате со надлежен лекар за понатамошно упатување кон ендокринолог и/или кардиолог, а поради подутината на вратот може да се обратите и до специјалист по оториноларингологија (ОРЛ).