Каква исхрана се препорачува за дијабетичари?

Наместо слатки и бело брашно, воведете разновидна исхрана прилагодена за дијабетичари. Придржувајте се до принципите на медитеранска исхрана – интегрални житарки, доволно зеленчук и овошје, риба, посно месо, немасни сирења и млеко, со умерена употреба на масла наместо животински масти. Оброците треба да бидат поделени во три главни и два помали, со калорична вредност прилагодена на индивидуалните потреби. Зголемената физичка активност на свеж воздух е исто така важна мерка во третманот. За индивидуален јаделник, можете да се обратите до нутриционист.