Што значи дијагнозата Struma diffusa со Хашимотов тиреоидитис?

Во прашање е автоимуно заболување на штитната жлезда, при кое клетките на имунолошкиот систем ги напаѓаат сопственото ткиво на жлездата. Причина за настанувањето на Хашимотовиот тиреоидитис се автоантитела кои во тироидната жлезда предизвикуваат специфична имунолошко-воспалителна реакција, што за последица има оштетување на сопственото ткиво и манифестација на ова заболување. Во почетната фаза на болеста, поради ослободување на хормоните на штитната жлезда од оштетените клетки, се јавуваат симптоми на хипертиреоидизам. Во подоцнежната фаза доаѓа до намалено производство на хормони (хипотиреоидизам). Лекувањето подразбира супституциона терапија, односно надоместување на хормоните на штитната жлезда. Во случај на големи струми е индициран хируршки третман. Советувам да се консултирате со ендокринолог, кој ќе ви даде подетални насоки и ќе одреди соодветна терапија.