Што предизвикува прекумерно потење и како се лекува?

Појачаното потење е вообичаено кога сте изложени на висока надворешна температура, при вежбање, како и во услови на стрес. Некои луѓе реагираат со потење и на најмал психички стрес, што обично е генетски условено. Сепак, препорачливо е да се направат вообичаени лабораториски анализи, вклучувајќи хормони на штитната жлезда и ниво на мочна киселина. Понекогаш се советува и рентген на белите дробови, како и ултразвук на стомак, бидејќи некои тумори можат да бидат причина за нарушувањето. Лекувањето е комплексно и зависи од причината. Ако не се најде конкретна причина, локално на местата што се потат можат да се применуваат некои препарати кои го намалуваат потењето, а во некои случаи се советува и хируршко лекување. Најдобро е со лабораториските наоди да се јавите на дерматолошки преглед.