Што е Хашимотов тиреоидитис и какви резултати покажуваат хормонските анализи?

Хашимотов тиреоидитис е автоимуно хронично воспаление на штитната жлезда, кое се манифестира со намалена функција на жлездата. Во анализата на крвта, резултатите на хормоните обично покажуваат TSH над горната граница на референтните вредности, додека fT4 е под долната граница. Позитивни се антителата Anti TPO, а понекогаш и TgAt. Поради автоимуниот процес (имунитетот дејствува против сопствениот организам) доаѓа до уништување на ткивото на штитната жлезда, што на почетокот, минливо и краткотрајно, може да покаже лажно високи резултати на fT4 или низок TSH, но тоа е само во почетната фаза. Anti TPO и TgAt имаат само дијагностичко значење. Автоимуните заболувања ретко можат целосно да се излекуваат - досега не се опишани многу случаи на повлекување на болеста, таа е доживотна. Неопходно е редовно контролирање на нивото на TSH и fT4 за време на земање адекватна доза супституциона терапија, за да не се развијат симптоми на хипотиреоза, односно намалена функција на штитната жлезда.